സെന്റ് ആഞ്ചലോസ് കോട്ട കണ്ണൂർ

കണ്ണൂർ നഗരത്തിനു അടുത്ത് തന്നെയായി അറബിക്കടലിന്റെ തീരത്തു സ്ഥിതി ചെയ്യുന്ന യൂറോപ്യൻ നിർമിതമായ ചരിത്ര പ്രസിദ്ധമായ കോട്ട ആണ് സെന്റ് ആഞ്ചലോ കോട്ട അഥവാ കണ്ണൂർ കോട്ട. 1505 തിൽ പോർട്ടുഗീസ് വൈസ്രോയി ഡോം ഫ്രാൻസിസ്കോ അൽമേഡി ആയിരുന്നു ഈ ക്ഷേത്രം നിർമ്മിച്ചത് . അക്കാലത്ത് കച്ചവട ആവശ്യങ്ങൾക്കും പ്രതിരോധത്തിനും വളരെ തന്ത്ര പ്രധാനമായ ഒരു കേന്ത്രം ആയിരിക്കുന്നു കണ്ണൂർ കോട്ട. പിന്നീട് ഡച്ചുകാരും ബ്രിട്ടീഷ് കാരും ഈ കോട്ടയുടെ അവകാശികൾ ആയി.

 കോട്ടയുടെ മുകളിൽ നിന്നുള്ള അറബിക്കടലിന്റെ കാഴ്ച അതിമനോഹരമാണ്. സൂര്യാസ്തമയ സമയത്ത് ഈ കാഴ്ചയ്ക്ക് കൂടുതൽ ഭംഗിയേറും. കോട്ടയ്ക്കുള്ളിൽ പുരാതനമായ ഒരു ലൈറ്റ് ഹൗസും, പോർച്ചുഗീസുകാരുടെയും പിന്നീട് ബ്രിട്ടീഷുകാരുടെയും കാലത്തെ കെട്ടിടാവശിഷ്ടങ്ങളും കാണാം. ത്രികോണാകൃതിയിലുള്ള ഈ കോട്ടയുടെ ഭിത്തികൾ നിർമിച്ചിരിക്കുന്നത് കുന്നു പോലെ ആണ് .

കോട്ടയുടെ നിർമ്മാണ ശൈലി യൂറോപ്യൻ സൈനിക വാസ്തുവിദ്യയുടെ മികച്ച ഉദാഹരണമാണ്. വലിയ കവാടങ്ങളും, നിരീക്ഷണ ഗോപുരങ്ങളും, പീരങ്കികൾ സ്ഥാപിക്കാനുള്ള കൊത്തളങ്ങളും ഇതിന്റെ പ്രത്യേകതകളാണ്. കോട്ടയുടെ ഭിത്തികളിൽ നിന്നാൽ കണ്ണൂർ നഗരത്തിന്റെയും മാപ്പിള ബേ തുറമുഖത്തിന്റെയും വിശാലമായ ദൃശ്യം ലഭ്യമാണ്. പണ്ട് വ്യാപാരത്തിന്റെ ഒരു പ്രധാന കേന്ദ്രമായിരുന്നു ഈ തുറമുഖം.

ഇന്ത്യൻ പുരാവസ്തു വകുപ്പിന്റെ സംരക്ഷണയിലാണ് ഈ കോട്ട ഇപ്പോൾ. ഇവിടുത്തെ ഉദ്യാനം മനോഹരമായി പരിപാലിക്കപ്പെടുന്നുണ്ട്. ചരിത്രപരമായ പ്രാധാന്യം കണക്കിലെടുത്ത്, അനേകം ചരിത്ര വിദ്യാർത്ഥികളും ഗവേഷകരും ഇവിടെ സന്ദർശനം നടത്താറുണ്ട്. കോട്ടയുടെ ഉള്ളിൽ വെച്ച് പഴയകാല പീരങ്കികളും മറ്റ് യുദ്ധോപകരണങ്ങളും കാണാം. .

ചരിത്ര പ്രസിദ്ധമായ ഒരു സ്ഥലം എന്നതിനു പുറമെ  കണ്ണൂർ കോട്ട മികച്ച വിനോദസഞ്ചാര കേന്ദ്രം കൂടിയാണ് ഇന്ന്. കുടുംബത്തോടൊപ്പം വൈകുന്നേരങ്ങളിൽ സന്ദർശിക്കാനും, കടൽക്കാറ്റ് കൊള്ളാനും, പ്രകൃതി ഭംഗി ആസ്വദിക്കാനും നിരവധി ആളുകൾ ഇവിടെയെത്തുന്നു.