പറശ്ശിനിക്കടവ് മുത്തപ്പൻ ക്ഷേത്രം

കണ്ണൂർ ജില്ലയിൽ പറശ്ശിനി കടവ് എന്ന സ്ഥലത്തു , വളപട്ടണം പുഴയുടെ തീരത്തായി സ്ഥിതി ചെയ്യുന്ന അതി പ്രശസ്തമായ ഒരു തീർത്ഥാടന കേന്ദ്രം ആണ് പറശ്ശിനി കടവ് മുത്തപ്പൻ ക്ഷേത്രം അഥവാ . വടക്കൻ മലബാർ കാരുടെ വിശേഷിച്ചും കണ്ണൂര് കാരുടെ പ്രഥമ ആരാധന കേന്ദ്രം ആണ് പറശ്ശിനി കടവ്. ശ്രീ മുത്തപ്പൻ എന്ന മലബാറുടെ കാരുടെ പ്രധാന പെട്ട  ദൈവ സങ്കൽപ്പത്തെ ആണ് ഇവിടെ ആരാധിച്ചു പോരുന്നത് . പറശ്ശിനി മുത്തപ്പൻ കാവ് എന്നും ഈ ക്ഷേത്രം അറിയപ്പെടാറുണ്ട്.

ജാതി മത ലിങ്ക ഭേദമന്യേ ഒരു ഉപാധികളും കൂടാതെ ആർക്കും ഈ ക്ഷേത്രം സന്ദർശിക്കാം എന്നുള്ളത്  കൊണ്ട്  ഈ ക്ഷേത്രത്തെ മറ്റു ക്ഷേത്രങ്ങളിൽ നിന്നും വ്യത്യസ്തമാക്കുകയും കൂടുതൽ ജനകീയമാക്കുകയും ചെയ്യുന്നു.  വരുന്നവരെ മുടക്കില്ല പോകുന്നവരെ വിളിക്കില്ല (വന്നോരെ മുടക്കില്ല പോന്നോരെ വിളിക്കില്ല) എന്നാണ് മുത്തപ്പന്റെ മൊഴി എന്നാണ് ഇവിടുത്തു കാരുടെ വിശ്വാസം. അതിനാൽ തന്നെ വിവിധ മതങ്ങളിലും വിശ്വാസങ്ങളിലും ജീവിക്കുന്നവരും ഈ ക്ഷേത്രത്തിൽ വന്നു പോകുന്നത് പതിവാണ്. കണ്ണൂർ ജില്ലയ്ക്കു പുറത്തു നിന്നും അത് പോലെ  കേരളത്തിന് പുറത്തു നിന്നും നിരവധി ആളുകൾ ഈ ക്ഷേത്രത്തിൽ സന്ദർശകർ ആയി എത്താറുണ്ട്. ക്ഷേത്ര സമീപത്തും അകത്തും  നിരവധി നായ്ക്കളെയും കാണാം എന്നുള്ളതും ഈ ക്ഷേത്രത്തിന്റെ പ്രതേകത ആണ്. നായകൾ  ശ്രീ മുത്തപ്പൻന്റെ സന്തത സഹചാരികൾ ആയിരുന്നു എന്ന വിശ്വാസം ള്ളത് കൊണ്ടാണ് ഈ ക്ഷേത്രത്തിൽ നായകൾക്ക് പ്രഥമ പരിഗണന കിട്ടുന്നത്.

മുത്തപ്പൻ തെയ്യം ദിനംപ്രതി ഇവിടെ നടത്തപ്പെടുന്നു എന്നത് ഈ ക്ഷേത്രത്തിന്റെ മറ്റൊരു സവിശേഷതയാണ്. തെയ്യം എന്നത് വടക്കൻ കേരളത്തിലെ ഒരു അനുഷ്ഠാന കലാരൂപമാണ്. ഇവിടെ രാവിലെയും വൈകുന്നേരങ്ങളിലും തെയ്യം കെട്ടിയാടുന്നത് നേരിൽ കാണാൻ സാധിക്കും. മുത്തപ്പൻ തെയ്യം കാണാൻ സ്വദേശികളും വിദേശികളുമടക്കം നിരവധി ആളുകൾ ഇവിടെയെത്തുന്നു.

ക്ഷേത്രത്തിലെത്തുന്ന ഭക്തർക്ക് അന്നദാനം ഒരു പ്രധാന ചടങ്ങാണ്. എല്ലാ ദിവസവും ഉച്ചയ്ക്കും രാത്രിയും ചോറും കറിയും ഭക്തർക്ക് നൽകി വരുന്നു. കൂടാതെ പകൽ സമയങ്ങളിൽ ചായയും വൻപയർ കൊണ്ടുണ്ടാക്കിയ ഒരു വിഭവവും ആണ് ഇവിടുത്തെ പ്രസാദം. പണ്ടുകാലത്ത് വൻപയറിന്റെ കൂടെ ഉണക്ക മീനും ഇവിടെ പ്രസാദം ആയി ലഭിക്കാറുണ്ടായിരുന്നു , എന്നാൽ ഇന്ന് ആയിരക്കണക്കിന് ഭക്തർ എത്തുന്നതിനാൽ പ്രായോഗിക ബുദ്ധി മുട്ടുള്ളത് കൊണ്ട് ഉണക്ക മീൻ നൽകി വരാറില്ല.

ഈ ക്ഷേത്രത്തിന് പിന്നിൽ നിരവധി ഐതിഹ്യങ്ങളും വിശ്വാസങ്ങളും നിലവിലുണ്ട്. കണ്ണൂരിലെ ജനങ്ങളുടെ ജീവിതവുമായി ഇവിടുത്തെ ആചാരങ്ങളും വിശ്വാസങ്ങളും വളരെ ഇഴചേർന്നു കിടക്കുന്നു. തെയ്യം കാണാനും പ്രാർത്ഥിക്കാനും മാത്രമല്ല, മലബാറിന്റെ സാംസ്കാരിക പൈതൃകത്തെ അടുത്തറിയാനും ഈ ക്ഷേത്ര സന്ദർശനം സഹായിക്കും.

പറശ്ശിനി കടവിന്റെ മുൻവശത്തുള്ള പുഴയും ചുറ്റുപാടും ഉള്ള പ്രദേശവും വളരെ മനോഹരം ആണ് . ഈ പുഴയിൽ ഇന്ന്  വിവിധ തരത്തിൽ ഉള്ള ബോട്ടിങ് സംവിധാനം നിലവിൽ ഉണ്ട്.

ശ്രീ മുത്തപ്പൻ ദൈവത്തിന്റെ ഐതിഹ്യത്തെ കുറിച്ചു കൂടുതൽ അറിയണമെങ്കിൽ ശ്രീ മുത്തപ്പന്റെ ഐതിഹ്യത്തെ കുറിച്ച് കൂടുതൽ അറിയണമെങ്കിൽ ഇവിടെ ക്ലിക്ക് ചെയ്യുക ഇവിടെ ക്ലിക്ക് ചെയ്യുക