പെരുമ്പുഴയച്ചൻ

വടക്കൻ കേരളത്തിലെ വള്ളുവ സമുദായത്തിൽ പെട്ടവരുടെ പ്രധാന ആരാധന മൂർത്തി ആണ് പെരുമ്പുഴയച്ചൻ ദൈവം. മരണ ശേഷം ദൈവമായി മാറിയ തെയ്യങ്ങളുടെ ഗണത്തിൽ ആണ് പെരുമ്പുഴയച്ചൻ ഉൾപ്പെടുന്നത്. കണ്ണൂർ കാസറഗോഡ് ജില്ലകളിൽ പല ഇടത്തും പെരുമ്പുഴയച്ചൻ തെയ്യം കെട്ടിയാടി വരുന്നുണ്ട്.

പെരുമ്പുഴയച്ചന്റെ ഐതിഹ്യം ഇങ്ങനെ ആണ്.  സന്താന ഭാഗ്യം ഇല്ലാതെ ദുഖിച്ചിരുന്ന വടുവപ്പള്ളി മതിലകത്തെ ദമ്പതികൾ ആയ  കങ്കാള ദേവനും വാരിക്കാ ദേവിയും വിഷ്ണു ഭഗവാനെ പൂജിച്ചു. ദമ്പതിമാരുടെ പ്രാർത്ഥനയിൽ സംപ്രീതനായ മഹാവിഷ്ണു അവർക്കു ഒരു ദിവ്യ പുത്രൻ ജനിക്കും എന്ന വരം നൽകി അനുഗ്രഹിച്ചു. അപ്രകാരം കങ്കാള ദേവനും വാരിക്കാ ദേവിക്കും ദിവ്യനായ ഒരു പുത്രൻ ജനിച്ചു. സർവ ഐശ്വര്യങ്ങളോടും പ്രതാപങ്ങളോടും കൂടി അവർ ആ പുത്രനെ വളർത്തി.

ആ കുഞ്ഞു വളർന്നു വന്നപ്പോൾ അവനു കച്ചവടം ചെയ്യുന്നതിൽ ആയിരുന്നു താല്പര്യം. എന്നാൽ ചെറുപ്രായത്തിൽ തന്നെ അവനെ കച്ചവടത്തിന് അയക്കാൻ താല്പര്യം ഉണ്ടായിരുന്നില്ല എങ്കിലും അവന്റെ ആഗ്രഹത്തിന് മാതാ പിതാക്കൾ അവസാനം വഴങ്ങി. കച്ചവടം ചെയ്യാൻ അനുവാദം വാങ്ങിക്കുവാൻ അവൻ നേരമ്മാവന്റെ വടുവ ചെട്ടിയെ ചെന്ന് കണ്ടു. ആദ്യം അനുവദിച്ചില്ലെങ്കിലും അവന്റെ നിർബന്ധത്തിനു വഴങ്ങി നേരമ്മാവനും അവനെ കച്ചവടം ചെയ്യാൻ അനുവദിച്ചു. അമ്മാവൻ അവനു കാളകളെയും ചരക്കുകളും കൊടുത്തു അനുഗ്രഹിച്ചു.

അവൻ കൂട്ടുകാരായ കച്ചവടക്കാരോടൊത്തു പുറപ്പെട്ടു. കാളപുറത്തു ചരക്കുകൾ ഏറ്റി കാടും  മലകളൂം താണ്ടി തിരുനെല്ലിയിൽ എത്തി. കച്ചവടം നല്ല രീതിയിൽ തന്നെ നടന്നു. തിരുനെല്ലിയിൽ കച്ചവടം ചെയ്യാൻ രാജാവിന് പുറമെ അവിടുള്ള ക്ഷേത്രത്തിനു കപ്പം കൊടുക്കണം എന്ന നിയമം ഉണ്ടായിരുന്നു. എന്നാൽ കപ്പം കൊടുക്കാൻ അവൻ  തയ്യാറായില്ല. അവന്റെ പ്രവർത്തിയിൽ തിരുനെല്ലി പെരുമാൾ കോപിക്കുകയും തിരുനെല്ലി പെരുമാളിന്റെ ശാപത്താൽ കാളകൾ മുഴുവൻ കല്ലായി മാറുകയും ചെയ്തു. അവന്റെ കൂടെ കച്ചവടത്തിന് വന്നവർ മുഴുവൻ പേരും ചിത്തഭ്രമം ബാധിച്ചു നാലു പാടും അലഞ്ഞു തിരിഞ്ഞു മരിച്ചു വീണു. അവനും തല വേദനയും ക്ഷീണവും അനുഭവപ്പെട്ടു അവൻ നടന്നു നടന്നു പെരുമ്പുഴ എന്ന പുഴയിൽ വീണു മരിച്ചു പിന്നെ മോക്ഷം പ്രാപിച്ചു. 

പിറ്റേന്ന് മൽസ്യ ബന്ധനത്തിനു പോയ വള്ളുവൻ അവന്റെ ദിവ്യ ശരീരം പുഴയിൽ കണ്ടു. ദിവ്യ ശരീരം കണ്ടതിൽ പിന്നെ വള്ളുവന്റെ വീട്ടിൽ പല ദൃഷ്ടാന്തങ്ങളും കണ്ടു തുടങ്ങി. ജ്യോത്സ്യനെ കണ്ടു പ്രശ്നം വച്ചപ്പോൾ പുഴയിൽ കണ്ടയാൾ ഒരു സാദാരണ മനുഷ്യനെ അല്ലെന്നും നിങ്ങളുടെ കുലത്തിന്റെ തന്നെ ദേവനാണെന്നും തെളിഞ്ഞു. അങ്ങനെ പെരുമ്പുഴ പുഴയിൽ വീണു മരിച്ചയാൾ പെരുമ്പുഴയച്ചൻ ദൈവം ആയി പുനർജനിച്ചു. 

പെരുമ്പുഴയച്ചന് തെയ്യക്കോലം ഉണ്ടായി. വള്ളുവർ പെരുമ്പുഴയച്ചനെ മത്സ്യവും  മാംസവും പൈകുറ്റിയും നൽകി ആരാധിച്ചു. 

പൊയ്കണ്ണും, വെള്ളത്താടിയും മുന്നോട്ടു തള്ളി നിൽക്കുന്ന വട്ട മുടിയും ഉള്ള പെരുമ്പുഴയച്ചൻ തെയ്യത്തിന് തൊണ്ടച്ചൻ തെയ്യത്തിന്റെ രൂപത്തോടു ഏറെ സാദൃശ്യം ഉണ്ട്.

Perumbuzhayachan-0a276d15-cc12-4432-9004-b1ceab8c8c9a
previous arrow
next arrow
Perumbuzhayachan-0a276d15-cc12-4432-9004-b1ceab8c8c9a
Perumbuzhayachan-0d547fcc-5574-4198-b0fb-4a70f893f32e
Perumbuzhayachan-3d9a1e0f-c613-4ff0-a273-106373602122
Perumbuzhayachan-6131110f-84f3-4d43-a0fe-15ef46e6bc38
Perumbuzhayachan-ddd16ff8-6b39-4be1-a048-373a1e11e6d7
previous arrow
next arrow

Similar Posts

  • വൈരജാതൻ

    യോദ്ധാക്കളുടെ ഗണത്തിൽ പെടുന്ന തെയ്യങ്ങളിൽ അതി പ്രധാനിയാണ്  വൈരജാതൻ തെയ്യം. വൈരജാതൻ തെയ്യത്തിന് വീരഭദ്രൻ എന്ന പേര് കൂടി ഉണ്ട്.  ദക്ഷ നിഗ്രഹത്തിനായി സാക്ഷാൽ ഭഗവാൻ പരമശിവൻ തന്റെ വൈരത്താൽ(കോപത്താൽ) തിരു ജടയിൽ നിന്നും  ജനിപ്പിച്ച രൗദ്ര മൂർത്തിയാണ് വൈരജാതൻ അല്ലെങ്കിൽ വീരഭദ്രൻ. വൈരജാതൻ തെയ്യത്തിന്റെ ഉല്പത്തിയെ കുറിച്ചുള്ള ഐതിഹ്യം ഇങ്ങനെ ആണ്. ഒരു നാൾ ശിവ പത്നിയായ സതീ ദേവി ശിവന്റെ വാക്ക് ധിക്കരിച്ചു സ്വന്തം പിതാവായ ദക്ഷൻ നടത്തുന്ന യാഗത്തിൽ പങ്കെടുക്കാൻ പോയി. എന്നാൽ…

  • ഉച്ചിട്ട ഭഗവതി

    മന്ത്ര മൂർത്തിയുടെ ഗണത്തിൽ പെടുന്ന പ്രധാന പെട്ട തെയ്യം ആണ് ഉച്ചിട്ട ഭഗവതി. വളരെ തമാശ രൂപത്തിൽ സംസാരിക്കുകയും പെരുമാറുകയും ചെയുന്ന ഒരു നർമ ഭാവത്തിൽ ഉള്ള ഒരു തെയ്യം ആണ് ഉച്ചിട്ട ഭഗവതി. പ്രമുഖ മാന്ത്രിക ഇല്ലം ആയ അടിയേരി ഇല്ലം ആണ് ഉച്ചിട്ട ഭഗവതിയുടെ ആരൂഢ സ്ഥാനം. അടിയേരി മഠത്തിൽ ഉച്ചിട്ട അമ്മ എന്നും ഉച്ചിട്ട ഭഗവതിക്ക് പേരുണ്ട്. അടിയേരിക്ക് പുറമെ പുല്ലഞ്ചേരി, കാളകാട്, കാട്ടു മാടം, പൂന്തോട്ടം എന്നീ മാന്ത്രിക ഇല്ലങ്ങളിലും ഉച്ചിട്ട…

  • മുത്തപ്പൻ

    വടക്കൻ കേരളത്തിലെ ദൈവ സങ്കൽപ്പങ്ങളിൽ മുത്തപ്പൻ ദൈവത്തിനു പരമ പ്രധാന സ്ഥാനം ആണ് ഉള്ളത്. മുത്തപ്പൻ ദൈവത്തിന്റെ തെയ്യം കെട്ടിയാടാത്ത ഒരു നാട് പോലും കണ്ണൂർ ജില്ലയിൽ ഉണ്ടാവില്ല. എണ്ണിയാലൊടുങ്ങാത്ത മുത്തപ്പൻ മടപ്പുരകൾ വടക്കൻ കേരളത്തിൽ ഉണ്ട്. മുത്തപ്പൻ ഐതിഹ്യം ഇങ്ങനെ ആണ് തുടങ്ങുന്നത്. കണ്ണൂർ ജില്ലയിലെ എരിവേശി ഗ്രാമത്തിലെ പ്രശസ്തമായ ഇല്ലമായിരുന്നു അയ്യങ്കര. അയ്യങ്കര ഇല്ലത്തിലെ വാഴുന്നോർക്കും പത്നി പാടികുറ്റി അന്തർജനത്തിനം കുട്ടികൾ ഇല്ലായിരുന്നു. ശിവ ഭക്തയായ പാടികുറ്റി അന്തർജ്ജനം സന്താന ഭാഗ്യത്തിനായി നിരന്തരം പ്രാർത്ഥനകളും…

  • വിഷകണ്ഠൻ

    അടിച്ചമർത്തപ്പെട്ടവന്റെയും പാർശ്വവത്കരിക്കപ്പെട്ടവരുടെയും കഥകളെ അടിസ്ഥാനമാക്കിയാണ് പല തെയ്യ സങ്കൽപ്പങ്ങളും നിലകൊള്ളുന്നത്. കൊടും ക്രൂരതയ്ക്ക് ഇരയായി ജീവൻ നഷ്ടപ്പെട്ടവർ , ജീവിച്ചിരുന്ന വീരാളികൾ, പുരാണ കഥാപാത്രങ്ങൾ, അമ്മ ദൈവങ്ങൾ , നാഗദൈവങ്ങൾ എന്നിങ്ങനെ പല ഗണത്തിലായി വിവിധ തരം തെയ്യങ്ങൾ ഉണ്ട്. ഇതിൽ അധികാര വർഗ്ഗത്തിന്റെ കൊടും ക്രൂരതയ്ക്കിരയായി കൊല ചെയ്യപ്പെട്ട് പിന്നീട് ദൈവക്കരുവായി പുനർജനിച്ച തെയ്യമാണ് വിഷകണ്ഠൻ തെയ്യം. പണ്ട് കാലത്തു വിദ്യാഭ്യാസം സ്വപ്നം പോലും കാണാൻ അവകാശമില്ലാതിരുന്ന കീഴാള ജാതിയിൽ ജനിച്ചു, സ്വന്തം ആഗ്രഹവും കഴിവും…

  • പൊട്ടൻ തെയ്യം

    വടക്കൻ കേരളത്തിൽ  കെട്ടിയാടുന്ന തെയ്യങ്ങളിൽ വളരെ പ്രധാന്യം ഉള്ള തെയ്യം ആണ് പൊട്ടൻ തെയ്യം. ഇതിവൃത്തം കൊണ്ടും കെട്ടിയാടിക്കുന്ന രീതി കൊണ്ടും ചടങ്ങുകൾ കൊണ്ടും പൊട്ടൻ തെയ്യം മറ്റു തെയ്യങ്ങളിൽ നിന്നും വളരെ വ്യത്യസ്തമാണ്.  പണ്ട് കാലത്തു നിന്നിരുന്ന ജാതീയ മായ ഉച്ചനീചത്വങ്ങൾക്കെതിരെയും തൊട്ടു കൂടായ്മകൾക്കെതിരെയും പ്രതിഷേധം ഉയർത്തി മനുഷ്യർ എല്ലാം സമന്മാരാണ് എന്ന ആശയം  പ്രചരിപ്പിച്ച പുലയ സമുദായത്തിൽ ഉള്ള അലങ്കാരൻ എന്ന് പേരുള്ള ഒരു ദിവ്യന്റെ കഥയാണ് പൊട്ടൻ തെയ്യത്തിന് ഇതിവൃത്തം. നാട്ടിൽ നിലനിന്നിരുന്ന…

  • പുലി മറഞ്ഞ തൊണ്ടച്ചൻ

    പുലയ സമുദായത്തിൽ ഉള്ളവരുടെ പ്രധാന ആരാധനാ മൂർത്തിയാണ് പുലി മറഞ്ഞ തൊണ്ടച്ചൻ അഥവാ കാരി ഗുരുക്കൾ. മരണ ശേഷം ദൈവമായി മാറിയ വിശിഷ്ട വ്യക്തികളുടെ ഗണത്തിൽ ആണ് പുലി മറഞ്ഞ തൊണ്ടച്ചൻ തെയ്യം പെടുന്നത്. വടക്കേ മലബാറിൽ തൊണ്ടച്ചൻ എന്ന് പറഞ്ഞാൽ മുത്തച്ഛൻ എന്നാണ് അർഥം. പല ഗോത്ര സംസ്കൃതിയിലും തങ്ങളുടെ പൂർവികരെ ആരാധിക്കുന്ന പതിവുണ്ടായിരുന്നു. പൂർവികർക്ക് വളരെ ഏറെ പ്രാധാന്യം കൊടുക്കുന്ന സമുദായം ആണ് പുലയ സമുദായം. അള്ളട സ്വരൂപത്തിലെ തമ്പുരാന്റെ മാറാ രോഗം തന്റെ…